Cethil yaiku panganan tradisional kang akeh didol ing pasar-pasar tradisional. Cara maeme cethil iki biasane nggunakake biting amarga panganan iki kelet banget. Penasaran piye carane nggawe?Bahan Cethil :
- banyu 125 ml
- tepung sagu 200 gram
- uyah sacukupe
- Pewarna makanan sacukupe, masalah warna manut pengine warna apa.
- parutan klapa sing isih enom dikukus sedhela, akehe 100 gram.
- gula pasir 50 gram
Carane Nggawe :
- Tepung sagu lan banyu dicampur, diudhak nganti kalis.
- Adonan mau digodhog ning jero banyu nganti tekan kentel, banjur diangkat.
- Uleni adonan nganti lembut banjur dibagi dadi loro bagian.
- Masing-masing adonan diwenehi pewarna manut selerane dhewe-dhewe. Banjur diublak nganti rata.
- Banjur adonan mau dientas lan dipulung terus dikethok cilik-cilik.
- Banjur kabeh adonan digodhog nganti mateng lan ngambang.
- Kanggo nggawe taburane yaiku nyampurake parutan klapa lan gula dadi sawadhah.
- Cethil sing wis digodhog banjur diguling-gulingake ing taburan mau nganti nemplek rata.
- Cethil siap dimaem.
Tidak ada komentar:
Posting Komentar