katilas tepak ing bumi kae
nalika urip dadi siji mring jagate
nalika urip ngejeni siji lan sijine
nadyan ana telu cacahe
nanging padha gelem cawe-cawe
nora ana sing
rebutan
saben pethuk,
lakone padha prasaja
pura, sanggar, lan langgar jinejer tanpa bates
disangga aruming siti lan celathune suket
dikancani birune dirgantara lan jogete pratipa
sajroning gremis,
tinembus cahya
nora ana sing
dadi prahara
tembung lan kekudange warga desa
kang dadi tembange dina
tentrem lan ayem
tanpa winates
manengku puja mring Gusti
njejaga luhuring
dharma basundari
tepak sing tinilas, dadi seksi
lelakon sajroning bumi
tepak sing tinilas, dadi seksi
tentreming bumine Gusti
tepak sing tinilas, dadi seksi
rikala nunut urip ing ijoning basundari
ngadas, 14 april 2014
Tidak ada komentar:
Posting Komentar